المحاسب العربي,محاسبة,مالية,ادارة الاعمال,تسويق,تدقيق
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه...

شهادة CTP Certified Treasury Professional من معهد الماليين المحترفيين الامريكي

استعرض الموضوع السابق استعرض الموضوع التالي اذهب الى الأسفل

شهادة CTP Certified Treasury Professional من معهد الماليين المحترفيين الامريكي

مُساهمة من طرف Mina Nasif, CTP في الإثنين يوليو 14, 2014 1:46 pm

زمالة الماليين المحترفين الأمـريكـية CTP
أولا وقبل كل شيء احب اقول اني قضيت مع الشهادة دي رحلة طويلة ابتديت من2010 والحمد لله نجحت فيها وبشتغل بيها كمان وحقيقي كانت سبب انها تغير شكل مساري الوظيفي وفرقت معايا كتير انا


1- مقدمة ومعلومات عامة عن الشهادة
2- المحتوي
3- مصادر المزاكرة والدراسة
4- الامتحان
5- معلومات اخري


أولا: مقدمة ومعلومات عامة عن الشهادة
الشهادة ابتديت تاخد وضعها الحقيقي في الشرق الاوسط وخصوصا منطقة الخليج العربي وناس كتير بقيت تدرسها لانها اسهل من ال CMA  بكتير واقصر وارخص في الدراسة والامتحان وتعتبر اسرع وسيلة تحط بيها C  جنب اسمك وخش علي LinkedIn واعمل بحث علي العرب  اللي حاصلين عليها.
الشهادة قوتها في المحتوي العلمي اللي فيها والمميز جدا عن اي شهادة تانية .. الشهادة بالكامل مفيهاش قيد محاسبي واحد وبتركز اكتر علي الادارة المالين واستراتيجيات التمويل والاستثمار وادارة السيولة في البنوك والشركات والمخاطر المالية زي تغيير اسعار الصرف وتذبذب سعر الفايدة واسعار البضائع.

لو عاوز تشتغل في غرفة المعاملات الدولية (الكعب العالي بتاع اي بنك) Dealing Room  او عاوز تشتغل في قسم ال Treasury  جوة شركة مالتي ناشونال .. يبقي دي سكتك الصح.

وبصراحة دي اسرع وسيلة تحط C  جنب اسمك خصوصا ان الشهادة بارت واحد بس.

ثانيا: المحتوي العلمي
الشهادة مكونة من جزء واحد بس One Part Exam قيمة جدا في المحتوي العلمي :
Content Areas Number of questions
Domain 1. The Corporate Treasury Function...........28-32
A. Role of Treasury Management............................3-5
B. Treasury Organizational Structure........................2-4
C. Financial and Regulatory Environment............. 5-7
D. Relationship Management................................. 4-6
E. Financial Accounting and Reporting..................3-5
F. Corporate Governance........................................3-5
G. Risk Management.................................................3-5

Domain 2. Cash and Liquidity Management..........36-40
A. Cash Management and Forecasting..............19-21
B. Payment and Collection Systems.................... 17-19

Domain 3. Working Capital Management..............33-37
A. Working Capital Philosophy and Tools...........14-16
B. Short-term Investing and Borrowing................11-13
C. Financial Supply Chain....................................... 5-7
D. Market Effects on Working Capital.....................1-3

Domain 4. Capital Markets and Funding.................21-25
A. Capital Structure and Dividend Policy...............2-4
B. Sources of Capital................................................ 5-7
C. Capital Market Investments............................... 5-7
D. Financing Decisions and Management............ 7-9

Domain 5. Treasury Operations and Controls..........22-26
A. Treasury Systems................................................... 5-7
B. Operational Risk Management..........................9-11
C. Treasury Policies and Procedures....................... 5-7
D. Ethics and Accountability....................................1-3

ثالثا: مصادر المذاكرة والدراسة
قبل ما اقولكم عن مصادر المذاكرة. احب اقولكم انه صعب جدا تجيب الماتريال من ع النت .. ريح نفسك جربت كتير ومفيش حل غير انك تشتريها او تاخدها من اللي بيشرحها .. وده عشان المعهد عامل علي حقوق النضر بوليصة تأمين ع النسخة بتعويض $100000 بالتالي محدش بيقدر يرفعها.

1- كتاب المعهد الرسمي (كتاب الوزارة) ومنصحكش بيه
Essentials of Treasury Management®, Fourth Edition
وتمنه $248 مصطلحاته بايخه ومزاكرته ابوخ وكمان مفيش معاه اسئلة امتحانات

2- اداة المذاكرة الأفضل (سلاح التلميذ) من اصدار المعهد نفسه
AFP Treasury Learning System™
بص بقي : مجموعة كتب لطيفة جدا في التقسيم والمصطلحات المستخدمة بالاضافة لي حوالي 1000 سؤال عشان يدربوك علي الامتحان وطريقته لكن ده تمنه بالشحن $1080 بس بصراحة تمنه فيه

رابعا: الإمتحان
امتحانك 170 سؤال في 3 ساعات 40 دقيقة .. اصعب حاجة في هي ادارة الوقت.. كداب اللي يقولك الامتحان سهل والا مكنتش تبقي شهادة مهنية .. مبينجحش غير اللي بيذاكر اوي وفاهم اوي اوي

فيه سنتر كتير جدا تقدر تمتحن فيها في بلدك  PearsonVue


خامس: معلومات اخري
تكلفة الامتحان حوالي $ 1096 واي حد عندهم خبرة سنتين او سنة ونص من حقه يدخل الامتحان وتكلفة الكورس حوالي $1000 دولار .
منصحكش تاخد الشهادة دي سيلف ستادي عشان صعب اوي تفهم الصناعة البنكية عالميا شغالة ازاي بالذات واننا دولة ضعيفة جدا بنكيا مقارنة بي دول تانية .. كل اللي حيلتنا 40 بنك .. امريكا في 2009 فلس عندها 514 بنك .. تخيل بقي عندهم كام بنك !!

كمان ممكن تدرس الكورس اونلاين وانت موجود في بلدك مش هتحتاج تسافر خارج بلدك عشان تدرس



اللي حابب يكلمني ويستفتسر عن اي حاجة اهلا بيه اي وقت بعد يوم العمل العادي 002.0122.715.3338
امتني اني اكون قدمت حاجة مفيدة لحضراتكم

Mina Nasif, CTP

عدد الرسائل : 1
العمر : 31
السٌّمعَة : 0
نقاط : 3
تاريخ التسجيل : 14/07/2014

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى